UNSW TEAM VISITING TONGA - JANUARY 2025!
ARRIVAL DAY: ARRIVED IN THE KINGDOM OF TONGA!
Fakafeta’i ki he ‘Eiki ‘i he tu’uta lelei ‘a e Timi mei he University of New South Wales (UNSW) ki he ‘Otu Motu Anga’ofa ‘i he polokalama fengaue’aki ‘a e UNSW mo e Christ's University In Pacific (CUP) pea pehe ki he Falemahaki Vaiola!
Ko e polokalama Bio Medical Engineering ‘a ia ‘oku lava mai ‘a e ongo Faiako mo e fānauako ‘e toko 10 ke fakahoko ‘enau internship he mei fo’i uike ‘e 3 pea nau toki foki (14 - 31 Sanuali)!
‘E fakahoko ‘a e polokalama fakataukei ‘i he ‘aho 15 mo e 16 ‘i he CUP kimu’a pea fakahoko ‘enau internship ‘i he Vaiola Hospital ‘i he ‘aho 17 - 30!
Ko e faingamalie lelei eni ki ha taha ‘oku fie ako ki he tafa’aki ko eni (Bio Medical Engineering) pea mo talanoa lelei mo e ongo Faiako ki ha founga apply ki UNSW!
Fakamalo lahi ki he CUP Team (Tapukitea L Rokolekutu, Palei K. Fonua, Taisenga Mafi, Melenoa, Taina Halatoafa, Tevita Moimoi) he fakakakato hotau fatongia ‘i hono talitali lelei kinautolu ki he Friendly Island! Hokohoko atu pe homou malimali he ‘e tokoni ia ki he lata ‘a e tamaiki ‘i hotau fonua.
DAY 1: VISITING CUP!
Fakafeta’i ki he ‘Eiki ‘i he Ikuna ‘Aho 1 hono talitali mo fakataukei faka’ofisiale ‘e he Christ's University In Pacific ‘a e University of New South Wales (UNSW) Team ki he CUP Campus ‘i loto Nuku’alofa!
Ko e polokalama fakataukei na’e tataki ‘e Dr. Siaosi Maeakafa Sr., Dr. Makataliuku Tauaho Ahokovi, Tapukitea L Rokolekutu, Palei K. Fonua pea tokoni ki ai ‘a Melenoa Polutele, Taisenga Mafi, mo Taina Halatoafa!
Fakamalo makehe kia Tevita Moimoi koe’uhi ko e faka’atā ‘ene fu’u pasi ke feme’a’aki holo ai ‘a e kainga muli ni!
DAY 2: TOUR AROUND TONGA!
Fakafeta’i ki he ‘Eiki ‘i he Ikuna hono faka’eve’eva’i ‘a e Timi mei he University of New South Wales (UNSW) ka ko e konga pe ia ‘o e polokalama fakataukei ‘a e Christ's University In Pacific (CUP) ke ‘i ai ha’anau ki’i lika ki hotau History, Culture, Language, mo e ngaahi Matanga!
Faka’osi ‘aki hono talitali kinautolu ‘e Makataliuku Tauaho Ahokovi ki he matatahi Niutao (Talafo’ou) mo e ki’i ngunguu-mo-tokoto!
Fakamalo atu ki he CUP Team ‘i he fakahoko lelei hotau fatongia talitali ki hotau CUP Partnership mei UNSW!
‘Aho ‘apongipongi te nau hoko atu ki he Vaiola Hospital ke kamata ‘enau Ngaue mo e Ako ‘i he tafa’aki ‘o e Bio Medical Engineering!
Fakafeta’i ki he ‘Eiki ‘i he me’a kotoa pē!
‘Ofa atu mo e Lotu